ដោយឈរលើស្មារតីនៃការចូលរួមចំណែកក្នុងការអភិវឌ្ឍសហគមន៍ និងលើកកម្ពស់ការអប់រំ​សម្រាប់កុមារ ធនាគារ ប្រ៊ីដ (BRIDGE Bank) ថ្មីៗនេះ បានសហការជាមួយហាងភីហ្សា​ Little Caesars បានរៀបចំសកម្មភាពសប្បុរសធម៌នៅ មជ្ឈមណ្ឌល ALOHA Learning Center ដោយនាំយកអំណោយ និងសម្ភារៈចាំបាច់មួយចំនួនទៅចែកជូនដល់កុមារ នៅអង្គការ បណ្តុះបណ្តាលនៃក្តីស្រឡាញ់។

ក្នុងសកម្មភាពសប្បុរសធម៌នេះនេះ ធនាគារ ប្រ៊ីដ និង Little Caesars បានរួមគ្នានាំយកមកនូវ ភីហ្សា ភ្លើងសូឡា សៀវភៅ សម្ភារៈសិក្សា និងការដាំដើមឈើ ដើម្បីចែកជូនដល់កុមារ ព្រមទាំងរួមចំណែក​បង្កើតបរិយាកាសសិក្សាដែលកាន់តែមានភាពកក់ក្តៅ និងលើកទឹកចិត្តឱ្យកុមារស្រឡាញ់ការរៀនសូត្រ និងបរិស្ថាន។

សកម្មភាពនេះ មិនត្រឹមតែជាការចែករំលែកអំណោយសប្បុរសធម៌ប៉ុណ្ណោះទេ ប៉ុន្តែជាការចែករំលែក ក្តីស្រឡាញ់ ក្តីសង្ឃឹម និងឱកាស ដល់កុមារ ដើម្បីឱ្យពួកគេទទួលបានការលើកទឹកចិត្តក្នុងការសិក្សា និងបន្តសុបិនសម្រាប់អនាគតរបស់ខ្លួន។

លោក  Richard Liew នាយកប្រតិបត្តិ ធនាគារ ប្រ៊ីដ បានមានប្រសាសន៍ថា៖

“ការចូលរួមក្នុងទំនួលខុសត្រូវសង្គម (CSR) ពិតជាមានសារៈសំខាន់ និងមានអត្ថន័យយ៉ាងជ្រាលជ្រៅ​សម្រាប់យើងទាំងអស់គ្នា។ យើងជឿជាក់ថា ការចូលរួមចំណែកតូចៗរបស់យើងនៅថ្ងៃនេះ អាចក្លាយជា​ផ្នែកមួយ​នៃការកសាងសង្គមឱ្យកាន់តែរីកចម្រើន និងប្រសើរឡើងនៅថ្ងៃអនាគត ជាពិសេសតាមរយៈ​ការផ្តល់ឱកាស និងការលើកទឹកចិត្តដល់កុមារ ដែលជាធនធានមនុស្សជំនាន់ក្រោយ​ដ៏សំខាន់ ក្នុងការអភិវឌ្ឍប្រទេសជាតិ។”

លោក Richard Liew បានបន្ថែមទៀតថា “ធនាគារ ប្រ៊ីដ មិនត្រឹមតែជាដៃគូហិរញ្ញវត្ថុរបស់​អតិថិជន​ប៉ុណ្ណោះទេ ប៉ុន្តែយើងក៏យកចិត្តទុកដាក់ចំពោះការរីកចម្រើនរបស់សង្គម និងការអភិវឌ្ឍធនធាន​មនុស្សផងដែរ។ យើងនឹងបន្តចូលរួម និងសហការជាមួយដៃគូនានា ដើម្បីបង្កើតផលវិជ្ជមាន​ជូនដល់សហគមន៍ និងសង្គមកម្ពុជារបស់យើង”។

សូមបញ្ជាក់ថា នេះមិនមែនជាលើកទីមួយឡើយ ដែលធនាគារ ប្រ៊ីដ បានចូលរួមនៅក្នុងការងារសង្គម កន្លងមក ធនាគារពាណិជ្ជក្នុងស្រុកមួយនេះ ក៏បានចូលរួមនៅក្នុងសកម្មភាពជាច្រើនទៀតក្នុងការជួយ​លើកកម្ពស់​ដល់វិស័យអប់រំ សុខាភិបាល និងបរិស្ថានជាដើម។

Designed by TWD