អំពី ធនាគារ ប្រ៊ីដ

មុនពេលចូលបម្រើការងារនៅធនាគារ ប្រ៊ីដ លោក Richard Liew បានកាន់មុខតំណែងជាអ្នកគ្រប់គ្រងជាន់ខ្ពស់ជាច្រើន នៅធនាគារក្នុងតំបន់ និងអន្តរជាតិ ទូទាំងបណ្ដាប្រទេសនៅអាស៊ីអាគ្នេយ៍ ដែលរួមមាន៖ ប្រទេសម៉ាឡេស៊ី ថៃ កម្ពុជា និងសិង្ហបុរី ព្រមទាំងបំពេញការងារនៅប្រទេសវៀតណាម និង មីយ៉ាន់ម៉ា។

លោក Richard Liew មានបទពិសោធន៍ផ្នែកធនាគារជាង ៣១ ឆ្នាំ ដែលរួមបញ្ចូលគ្រប់ផ្នែកនៃធនាគារសាជីវកម្ម អាជីវកម្ម និងបុគ្គល។ លោកបានចាប់ផ្ដើមអាជីពធនាគារដំបូង ជាបុគ្គលិកប្រតិបត្តិទីផ្សារ ហើយទទួលបានតួនាទីជាច្រើន ដែលធ្វើការទៅលើផ្នែកផ្សេងៗរួមមាន៖ ផ្នែកអភិវឌ្ឍន៍អាជីវកម្ម ផ្នែកប្រតិបត្តិការសាខា ផ្នែកលក់ និង ផ្នែកទីផ្សារនៃផលិតផល និងសេវាហិរញ្ញវត្ថុ ផ្នែកសេវាធនាគារលក់រាយ ការគ្រប់គ្រងទ្រព្យសម្បត្តិ ផ្នែកឥណទានជាក្រុម ផ្នែកធនាគារសាជីវកម្ម ព្រមទាំងសេវាធនាគារហិរញ្ញវត្ថុជាសកល។

លោកទទួលបានសញ្ញាបត្របរិញ្ញាបត្រវិទ្យាសាស្រ្ត ផ្នែកទីផ្សារ ពីសាកលវិទ្យាល័យ Rutgers នៃរដ្ឋ New Jersey នៅទីក្រុង Newark សហរដ្ឋអាមេរិក។

លោក ប៊ុនថា មានបទពិសោធន៍ការងារផ្នែកធនាគារជាង ១៨ ឆ្នាំ ជាមួយធនាគារពាណិជ្ជក្នុងស្រុក និងតំបន់ នៅក្នុងប្រទេសកម្ពុជា លើផ្នែកជាច្រើនដូចជាផ្នែកលក់ ឥណទាន និងប្រតិបត្តិការ។

លោក ប៊ុនថា បានចូលបម្រើការនៅធនាគារ ប្រ៊ីដ ក្នុងមុខតំណែងជាអគ្គនាយកផ្នែកអាជីវកម្ម នៅក្នុងឆ្នាំ ២០២២។ មុនពេលចូលកាន់មុខតំណែងបច្ចុប្បន្ន លោកគឺជានាយកផ្នែកប្រតិបត្តិការ នៅធនាគារពាណិជ្ជដ៏លេចធ្លោមួយនៅកម្ពុជា។

លោក ប៊ុនថា បានចូលកាន់មុខតំណែងផ្សេងៗទៀតជាច្រើន ប្រចាំនៅធនាគារអន្តរជាតិដ៏ល្បីមួយនៅកម្ពុជា ដែលរួមមាន តួនាទីជានាយកផ្នែកធនាគារអាទិភាព Preferred Banking នាយកផ្នែកលក់ និងចែកចាយ និងនាយកសាខា ចាប់ពី ខែមេសា ឆ្នាំ ២០១០ ដល់ខែមេសា ឆ្នាំ ២០១៦។ នៅក្នុងឆ្នាំ ២០១៣ លោកបានជាប់ជាបេក្ខជនឈានដល់វគ្គផ្ដាច់ព្រាត់សម្រាប់ ពានរង្វាន់ Emerald Award as Best Middle Manager ហើយលោកក៏បានបញ្ចប់កម្មវិធី Middle Manager របស់ធនាគារប្រកបដោយជោគជ័យផងដែរ ពោលគឺកម្មវិធី Accelerated Universal Banker (AUB) នៅ Nanyang Business School និង Nanyang Technological University ក្នុងប្រទេសសឹង្ហបុរី។ លោក ប៊ុនថា បានចាប់ផ្ដើមអាជីពខាងផ្នែកធនាគារនៅឆ្នាំ ២០០៤ ជាមន្ត្រីជាន់ខ្ពស់លើផ្នែកផ្សេងៗជាច្រើន នៅធនាគារពាណិជ្ជក្នុងស្រុក ហើយនៅឆ្នាំ ២០០៩ លោកត្រូវបានតែងតាំងជានាយកសាខាប្រចាំនៅធនាគារពាណិជ្ជដ៏ល្បីល្បាញមួយប្រចាំនៅកម្ពុជា។

លោក ប៊ុនថា បានបញ្ចប់ថ្នាក់អនុបណ្ឌិត នៅសាកលវិទ្យាល័យន័រតុន (Norton University) ព្រមទាំងទទួលបានបរិញ្ញាបត្រ ផ្នែកសេដ្ឋកិច្ច ជាមួយនឹងជំនាញផ្នែកធនាគារ និងហិរញ្ញវត្ថុ នៅឆ្នាំ ២០០២។

លោក Anthony Perkins មានបទពិសោធន៍ជាង ២៥  ឆ្នាំនៅក្នុងស្ថាប័នហិរញ្ញវត្ថុនានាក្នុងចក្រភពអង់គ្លេស និងប្រទេសកម្ពុជា ជាមួយនឹងជំនាញដ៏សម្បូរបែបនៅក្នុងផ្នែកបច្ចេកវិទ្យាហិរញ្ញវត្ថុ និងសិក្សារពីរបាយការណ៍ដើម្បីជំរុញការច្នៃប្រឌិតលើផ្នែកឌីជីថល។

លោក Perkins ត្រូវបានតែងតាំងជាអគ្គនាយកផ្នែកប្រតិបត្តិការនៅធនាគារ ប្រ៊ីដ ក្នុងខែមករា ឆ្នាំ ២០២៤។ មុនពេលចូលបម្រើការងារនៅធនាគារ ប្រ៊ីដ លោកគឺជាអគ្គនាយកផ្នែកឌីជីថលនៅស្ថាប័ណទូរគមនាគមន៍ចល័តឈានមុខគេ​ក្នុងប្រទេសកម្ពុជា តំាងពីឆ្នាំ២០១៦។​ លោកក៏ធ្លាប់កាន់ដំណែងជា​​អគ្គនាយកក្រុមហ៊ុន សម្រាប់តួនាទីដំបូងរបស់គាត់នៅក្នុងប្រទេសកម្ពុជាក្នុងឆ្នាំ ២០០៨ ដែលស្ថាប័ននោះគឺស្ថាប័នបច្ចេកវិទ្យាកហិរញ្ញវត្ថុ ធំជាងគេក្នុងប្រទេសកម្ពុជា រយៈពេល៣ ទៅ ៤ឆ្នាំ និងកាន់ទ តួនាទីជានាយកប្រតិបត្តិ និងនាយកផ្នែកបច្ចេកវិទ្យា។ មុនពេលមកប្រទេសកម្ពុជា លោកក៏ធ្លាប់បានធ្វើការនៅទីក្រុងឡុងដ៍ពីឆ្នាំ ១៩៩៧ ដល់ឆ្នាំ ២០០៨ សម្រាប់ការវិនិយោគពហុជាតិ FTSE100 រួមមានការវិនិយោគលើវិស័ធនាគារ ធានារ៉ាប់រង និងស្ថាប័នចែកចាយភាគហ៊ុន។

លោក Perkins បានបញ្ចប់ថ្នាក់បរិញ្ញាបត្រផ្នែកកុំព្យូទ័រពីសាកលវិទ្យាល័យ Greenwich នៅទីក្រុងឡុងដ៍។

លោក ដឺណូ មានបទពិសោធន៍ការងារសរុបជាង ២០ ឆ្នាំ នៅក្នុងវិស័យធនាគារ ដែលរួមមានផ្នែកឥណទានប្រតិបត្តិការ ផ្នែកប្រតិបត្តិតាម និងផ្នែកគណនេយ្យ។

លោក ដឺណូ ត្រូវបានតែងតាំងជាអគ្គនាយកផ្នែកឥណទាន នៅធនាគារ ប្រ៊ីដ នៅឆ្នាំ ២០២២ ដែលមានតួនាទីគ្រប់គ្រង ប្រតិបត្តិការឥណទានទាំងអស់របស់ធនាគារ។ លោក ដឺណូ បានចូលបម្រើការនៅធនាគារ នៅក្នុងឆ្នាំ ២០១៤ ក្នុងតំណែងជា ប្រធានផ្នែកប្រតិបត្តិការ ហើយត្រូវបានតែងតាំងជា អគ្គនាយក នៃធនាគារឯកទេស ប្រ៊ីដ នៅឆ្នាំ ២០១៨ ជាមួយនឹងតួនាទីគ្រប់គ្រងទៅលើប្រតិបត្តិការប្រចាំថ្ងៃ នៃផ្នែកនីមួយៗ រួមទាំងផ្នែកលក់ និងទីផ្សារ ព្រមទាំងការអភិវឌ្ឍន៍ យុទ្ធសាស្រ្តធនាគារ។

លោក ដឺណូ បានបញ្ចប់បរិញ្ញាបត្រផ្នែក គណនេយ្យ ពីវិទ្យាស្ថានជាតិគ្រប់គ្រងនៃកម្ពុជា។

លោក សុភ័ក្រ មានបទពិសោធន៍ខាងផ្នែកធនាគារជាង ១៥ ឆ្នាំ ជាមួយនឹងធនាគារពាណិជ្ជក្នុងស្រុក និងតំបន់ ប្រចាំនៅប្រទេសកម្ពុជា និងឡាវ ហើយលោកទទួលបានជំនាញគ្រប់គ្រងហិរញ្ញវត្ថុ រតនាគារ និងប្រតិបត្តិការ។

លោក សុភ័ក្រ ត្រូវបានតែងតាំងជា អគ្គនាយកផ្នែកហិរញ្ញវត្ថុ នៅធនាគារ ប្រ៊ីដ នៅពាក់កណ្ដាលឆ្នាំ ២០២២។ មុនពេលចូលកាន់តំណែងបច្ចុប្បន្ន លោកគឺជាអគ្គនាយកផ្នែកប្រតិបត្តិការ នៃក្រុមហ៊ុនដឹកជញ្ជូនដែលទើបនឹងចាប់ផ្ដើមថ្មី ព្រមទាំងជា អគ្គនាយកផ្នែកហិរញ្ញវត្ថុ នៅក្រុមហ៊ុន បច្ចេកវិទ្យាហិរញ្ញវត្ថុ (FinTech) ឈានមុខគេដំបូងនៅកម្ពុជា។ លោក សុភ័ក្រ មានបទពិសោធន៍ជាច្រើនឆ្នាំ នៅបណ្ដាធនាគារល្បីៗ ដែលរួមមានធនាគារពាណិជ្ជក្នុងស្រុក និងអន្តរជាតិ ព្រមទាំងក្រុមហ៊ុន បច្ចេកវិទ្យាហិរញ្ញវត្ថុ (FinTech) ផងដែរ។

លោក សុភ័ក្រ បានបញ្ចប់ថ្នាក់បរិញ្ញាបត្រ ផ្នែកគណនេយ្យ ពីសាកលវិទ្យាល័យជាតិគ្រប់គ្រង (National University of Management)។ លោកក៏បានទទួលបានអាហារូបករណ៍ពី ក្រសួងសេដ្ឋកិច្ច និងហិរញ្ញវត្ថុ នៃកម្ពុជា ដើម្បីបន្តការសិក្សាវិជ្ជាជីវៈ ផ្នែកគណនេយ្យ និងហិរញ្ញវត្ថុ សម្រាប់ Association of Chartered Certified Accountant (ACCA) និង Certified Public Accountant (CPA) នៅវិទ្យាស្ថាន CamEd ផងដែរ។

សុភ័ក្ត្រ គឺជាអ្នកដឹកនាំធនធានមនុស្សដែលផ្តោតលើធុរកិច្ចដ៏ឆ្នើមម្នាក់ដែលមានបទពិសោធជាង ២០ឆ្នំាក្នុងវិស័យធនាគារ ក្រុមហ៊ុនច្បាប់ ក្រុមហ៊ុនគណនេយ្យសាកល វិស័យសាធារណៈ និងឯកជន។

អ្នកស្រី មានបទពិសោធន៍ជាច្រើនឆ្នាំក្នុងការគ្រប់គ្រងធនធានមនុស្សសម្រាប់សាជីវកម្មធំៗ និងអាជីវកម្មចាប់ផ្តើមដំបូងដែលមានការរីកចំរើនខ្ពស់។ ក្នុងនាមជាដៃគូអាជីវកម្ម នាងលើក ទឹកចិត្ត និងផ្តល់អនុសាសន៍ដល់គណៈគ្រប់គ្រងក្រុមហ៊ុន ជំរុញការអភិវឌ្ឍន៍ស្ថាប័ន និងការកសាងវប្បធម៌ប្រកបដោយផលិតភាពខ្ពស់។

អ្នកស្រី គឺជាអ្នកគិតបែបយុទ្ធសាស្ត្រ និងជាអ្នកដឹកនាំប្រកបដោយគតិបណ្ឌិត។ អ្នកស្រី សុភ័ក្ត្រ ទទួលបានសញ្ញាបត្រគ្រូបង្រៀនពីមជ្ឈមណ្ឌលគរុកោសល្យភ្នំពេញ និងបរិញ្ញាបត្រផ្នែកគ្រប់គ្រងទេសចរណ៍ពីសាកលវិទ្យាល័យជាតិ គ្រប់គ្រង។